ரூல்ஸ் + சான்றிதல் = வேலை

சென்னைக்கு திரும்பி வந்து ஐந்து வருடம் ஆடிவிட்டது.  ஒரு வேலை கிடைப்பதில் இருக்கும் சிரமம் எவ்வளவு என்று இங்கு வந்த சமயத்தில் நன்றாக  தெரிந்துகொண்டேன். இரண்டு  மாதம் சுத்தாத இடம் இல்லை, ஏறாத கம்பெனி இல்லை. படிக்காத வேலை விளம்பரங்கள்  இல்லை ஒரு வழியா இப்பொது இருக்கும் கம்பெனியில் வேலைக்கு சேர்ந்து கிட்டதட்ட நான்கரை வருடம் ஓடிவிட்டது. ஆனால் ஏதோ ஒன்று குறைவது போன்றே இருக்கிறது, சென்னை அலுத்துவிட்டது போல . திரும்ப கோயம்புத்தூர் சென்றுவிடலாம் என்று நினைத்துகொண்டு இருக்கிறேன். எல்லாம் சரி ஆனால் வேலை வேண்டுமே !!! திரும்ப வேலை தேடும் படலம் நடந்துகொண்டு இருக்கிறது. எல்லா கம்பெனி ஆட்களும் சொல்லி வைத்தது போன்று  சான்றிதல் கேக்கிறார்கள், என்னிடம் இருந்தா தான் தருவதற்கு அல்லது காமிப்பதற்கு !!! கோயம்புத்தூரில் வேலை இருக்கிறது என்று ஒரு விளம்பரம் பார்த்து அந்த பெரிய கம்பெனிக்கு இண்டர்வியுக்காக  சென்றேன், முதல் ரவுண்டு என்னை பற்றி பேச சொல்லி சொன்னார் நானும் சிவனே என்று எல்லாவற்றையும் ஒப்பித்தேன். சான்றிதல் இருக்கிறதா என்று கேட்டார், இல்லை என்றேன். வேலை இல்லை என்று சொல்லிவிட்டார்.  ஏன் சார் என்றேன், சான்றிதல் இல்லை என்றால் வேலை இல்லை என்றார்.. என்ன கொடுமை பாருங்க நான்கு வருட  வேலை அனுபவம் இருந்தும் சான்றிதல் இருந்தால் தான் வேலை என்றால் என்ன பண்ணுறது?? 

அவரிடமே ஏன் சார் Technical Round இன்னும் நடக்கவே இல்ல, அதில் நான் பாஸ் ஆகலை என்றால் சொல்லுங்க ஒத்துக்கலாம் சான்றிதல் இல்லை என்றால் வேலை இல்லை சொல்லுறிங்களே  ஏன் என்று  கேட்டேன். அது கம்பெனி ரூல்ஸ்(???) என்றார். ரூல்ஸ் கிரேட் பண்ணுறதே நாம தானே சார். இப்படியே எல்லா கம்பெனி ஆளுங்க இருந்தா அப்பறம் என்ன மாதிரியான ஆளுங்களுக்கு எப்படி சார் அவங்க கனவை நிறைவேற்ற முடியும் ?? சாரி சார் எங்களுக்கு சான்றிதல் கண்டிப்பா வேண்டும் என்று கறாராக சொல்லிவிட்டார்.  இன்னொரு கம்பெனியில் இருந்து போன் அழைப்பு வந்தது இண்டர்வியுக்கு வாங்க என்றார் அந்த பெண்மணி. அங்க போய் ஏன் அவமானம் படவேண்டும் என்று போனிலே என்னிடம் சான்றிதல் எல்லாம் இல்லை என்றேன். அவரும் வேலை இல்லை என்று சொல்லிவிட்டார்.   

ஒரு டவுட் வேலை பார்க்க போவது நானா இல்லை என்னோட சான்றிதலா?? சான்றிதல் இருந்தால் தான் வேலை என்கிற மடத்தனமான சிஸ்டம் முதலில் தூக்கவேண்டும்.  சான்றிதல் வைத்து என்ன பண்ண போறீங்க ??  இந்த மெயில் எனக்கு அடிக்கடி வரும், 

Greetings from TCS!

With reference to your CV in the job portal, we would like to have you walk in for an interview if you meet our eligibility criteria and proficient in any one of the skill sets mentioned below.

Note- This is a bulk mail, Kindly ignore if not applicable

Skills - Desktop Support ( L2 level)

Location : Chennai

Experience : 3 to 7Years

Eligibility criteria

Experience Band - 3 to 7 Yrs of Relevant Experience
B.E./ B.Tech /M.E./ M.Tech/ MSc/ MCA/ MCM/ MS
PGDIT (2 years full time Approved by AICTE)
B.Sc./BCA/Diploma holders with 3 years of relevant functional / technical experience
Should have consistently 50% and above marks from class 10 onwards.
Should not have more than two years breaks /Gaps in career/Academics.
Candidates who have appeared for the TCS Selection Process in the last 6 months need not apply
Extended Education Will not be considered.

இதுவரைக்கும் ஐம்பதுக்கும் மேல இந்த மாதிரி மெயில் வந்து இருக்கு, எதுக்கு பதில் அனுப்பினாலும் அவர்களிடம் இருந்து பதில் வருவதே இல்லை. அப்பறம் என்ன ______க்கு  எனக்கு மெயில் அனுப்பனும்??

எனக்கு கத்துக்க வேண்டும் என்கிற ஆவல் அதிகமா இருக்கு ஆனால் அது எல்லாம் முடியாது கற்றுக்கொண்டும் வந்து வேலை பார் என்கிறது இந்த கம்பெனி ரூல்ஸ். சிலருக்கு படித்து தெரிந்து கொள்ளவதை விட பழகி தெரிந்து கொள்ளவே பிடிக்கும். நான் இந்த வகையை சேர்ந்தவன், லெதர் டெக்னாலஜி படித்துவிட்டு கம்ப்யூட்டர் சைடுல வேலை பார்க்கிறேன். கம்ப்யூட்டர் பற்றி எதுவும் படிக்காமல் ஒரு இன்டர்நெட் சென்டர்ல வேலை பார்த்து தொழில் முறையில் கற்றுக்கொண்டேன்.  இந்த கம்பெனில இருந்து கூட நிறைய கற்றுக்கொண்டேன். அனுபவம் தானே ஒரு மனிதனை உருவப்படுத்துக்கிறது. 

பத்து வருஷதுக்கு முன்னாடி வைத்த அர்ரியர் பேப்பர் எழுத முடியுமா என்று தெரியவில்லை. கண்முன் குடும்பம் என்று  வரும் போது கண்டிப்பா எழுதவேண்டும்  என்கிற மனநிலைக்கு வந்துவிட்டேன். காலேஜ்ல அதுக்கு அனுமதி கிடைக்குமா என்று தெரியவில்லை கிடைத்தாலும் அர்ரியர் பேப்பர்க்கு படிக்கணும், கணக்கு பாடத்துக்கு டியூஷன் போகணும். டியூஷன் எடுக்குற வாத்தியார் என்னை விட வயசு கம்மிய இருந்தா அவரை நான் பெயர் சொல்லி குப்பிடுவேன் அது அவருக்கு பிடிக்குதோ இல்லையோ!!!, அப்பறம் கூட படிக்கிற பசங்க எல்லாம் என்னை சார்ன்னு குப்பிடுவாங்க. ஜூனியர் A, B, C, D ஒரு சைடுல படிக்க.. a + b = ab (இது கரெக்டா???)ன்னு நான் கணக்கு எழுதி  படிக்க நடுவில் கிடந்தது மண்டை பிய்த்து கொள்ளபோவதோ என்னவோ தங்கமணி தான்...  யப்பா இந்த தொல்லை எல்லாம் நினைச்சு பார்க்கவே டெரர்ரா இருக்கே :(. வேலை தேடும்ப்படலாம் நடந்துகொண்டு இருக்கிறது :D ....

  

With Love

Romeo ;)